Uzbekistan Airways’нинг айрим самолётлари сотувга қўйиляпти

Давлат активларини бошқариш агентлиги Uzbekistan Airways’нинг айрим самолётларини сотиш жараёнини ташкиллаштириш учун хусусийлаштириш бўйича профессионал консалтинг компанияси танлаб олиниши юзасидан танлов эълон қилди.

Сотиш жараёни ҳаво кемалари бозори тармоқ ва индивидуал хусусиятларидан келиб чиқиб ҳамда Ўзбекистон қонунчилиги талабларини ҳисобга олган ҳолда энг мақбул хорижий тажрибага мувофиқ ташкил этилиши лозим.

Активлар (18 та ҳаво кемалари ва 1 та симулятор) 6 та лотга бўлинган, консультант тавсиялари асосида бозор талаблари ва таҳлил натижаларига мувофиқ лотлар таркиби ўзгартирилиши мумкин.