2022/23 ўқув йили учун бакалавриатга кириш имтиҳонлари натижалари чиқди.
Фото: Kun.uz
Натижаларни 4 хил усулда масофадан, бепул билиш мумкин:
- my.dtm.uz сайти орқали;
- mandat.dtm.uz сайти орқали;
- абитуриент рухсатномасидаги QR-кодни сканерлар орқали;
- Қуйидаги Telegram-ботларга абитуриентнинг ID-рақамини юбориш орқали: @e_dtm_mandatbot, @e_dtm_mandat1bot, @e_dtm_mandat2bot, @e_dtm_mandat3bot, @e_dtm_mandat4bot Telegram-ботлари.
Юқоридаги платформаларда жавоблар варақаси ҳам жойлаштирилади. Бу орқали абитуриентлар қайси саволларга тўғри, қайсиларига нотўғри жавоб белгилаганини кўриши мумкин.
Эслатиб ўтамиз, бу йил тестларда 1 073 821 нафар абитуриент қатнашди. Қабул квотаси эса – 110 707 та:
- кундузги шаклга 77 477 нафар;
- сиртқи шаклга 26 095 нафар;
- кечки шаклга 3 725 нафар;
- янги турдаги масофавий таълим шаклига 3 410 нафар талаба қабул қилинмоқда.
