Аввалроқ Туркманистон ҳукумати Туркиядан ўз фуқаролари учун вақтинчалик виза режимини жорий этишни сўраганди.
Туркия Туркманистон билан виза режимини жорий этди. Бу ҳақда “Hurriyet” газетаси хабар берди.
Хабарда айтилишича, Туркия президенти Ражаб Тоййиб Эрдўған 13 сентябр куни бу борадаги қарорни имзолади.
Аввалроқ Туркманистон ҳукумати Туркиядан ўз фуқаролари учун вақтинчалик виза режимини жорий этишни сўрагани ҳақида хабар берилганди.
«Туркманистон фуқароларининг Туркия Республикасида бўлиб туриши қоидаларини такомиллаштириш ва тизимли асосда юритиш мақсадида Туркманистон томони Туркияга Туркманистон фуқаролари учун вақтинчалик асосда турли тоифадаги визалар режимини жорий этишни сўраб мурожаат қилди»,— дейилганди Туркманистон ташқи ишлар вазирлиги хабарида.
Бунга қадар Туркманистон фуқаролари Туркияда туристик мақсадларда 30 кунгача визасиз юриши мумкин эди.
