Грузиядаги банклардан бирини эгаллаб олган эркак 2 млн доллар, вертолёт ва Россия байроғини беришларини талаб қилди

У Кутаиси шаҳридаги банклардан бирида 12 кишини гаровга олган.

Фото: AP

Қуролли босқинчи Грузиянинг Кутаиси шаҳридаги банклардан бирида 12 кишини гаровга олди ва уларни бир неча соатдан бери ушлаб турибди. Бу ҳақда Евроньюс хабар берди.

Грузия ОАВнинг ёзишича, жиноятчининг шахси аниқланмаган. У 2 миллион доллар, вертолёт ва Россия байроғини беришларини талаб қилган.

Хабарда айтилишича, у ўз талаблари ёзилган видеони гаровга олинганлардан бирининг Facebook саҳифасида жойлаштирган.

Грузия полицияси гаровдагиларни озод қилиш чораларини кўрмоқда.