Бундестаг вице-спикерининг Эрдўған ҳақидаги сўзларидан сўнг Германия элчиси Туркия ташқи ишлар вазирлигига чақиртирилди
Туркия ташқи ишлар вазирлиги матбуот котиби Танжу Билгичнинг сўзларига кўра, немис сиёсатчисининг сўзлари номақбул ва «сиёсий ахлоқ»қа зид.
Бундестаг вице-спикери Волфганг Кубицкининг Туркия президенти Ражаб Тоййиб Эрдўған ҳақидаги сўзлари сабабли Германиянинг Анқарадаги элчиси Туркия ташқи ишлар вазирлигига чақиртирилди. Бу ҳақда TRTHaber хабар берди.
«Биз Германия федерал парламенти вице-спикери Волфганг Кубицки томонидан президентимиз шаънига айтилган ҳақоратли сўзларни кескин қоралаймиз», — Туркия ташқи ишлар вазирлиги матбуот котиби Танжу Билгич.
Унинг сўзларига кўра, немис сиёсатчисининг сўзлари номақбул ва «сиёсий ахлоқ»қа зид.
Қайд этилишича, Туркия ташқи ишлар вазирлиги Германиянинг Анқарадаги элчисига ушбу масала бўйича муносабатини маълум қилган.
Маълумотларга кўра, Волфганг Кубицки Эрдўғанни қочқинлар билан боғлиқ инқироз вақтидаги сиёсати учун ҳақорат қилган.
Мавзуга оид
00:32 / 04.12.2022
Туркиянинг биринчи учувчисиз қирувчи самолёти синов парвозини муваффақиятли амалга оширди
00:54 / 03.12.2022
Туркиялик шарҳловчи ЖЧ-2022 ўйини танаффусида эфирдан четлатилди
23:02 / 01.12.2022
Шолц Бундесверда ўқ-дори танқислиги юзага келганини тан олди
07:20 / 30.11.2022