АҚШ ташкилоти Ўзбекистонда суд тизимини мустаҳкамлаш бўйича фаолият дастурини амалга оширади

Адлия вазирлиги томонидан “East-west management institute, inc.” нодавлат нотижорат ташкилотининг (АҚШ) Ўзбекистондаги филиали давлат рўйхатидан ўтказилди.

Ташкилотнинг асосий мақсади – суд тизимини ислоҳ қилиш, судяларни касбий тайёрлаш жараёнига халқаро стандартларни жорий қилиш, судялар фаолиятини баҳолаш бўйича илғор амалиётларни тадқиқ қилишда кўмаклашиш, шунингдек судялар ва ходимлар учун ўқув дастурларини ишлаб чиқишда ҳамкорлик қилишдан иборат.

Ўзбекистонда одил судловни амалга ошириш, судяларнинг профессионаллиги ва суд тизимига жамоатчилик ишончини мустаҳкамлаш мақсадида ташкилот Ўзбекистон Республикаси Олий суди ва бошқа манфаатдор ташкилотлар билан ҳамкорликда “Суд тизимини мустаҳкамлаш бўйича фаолият дастури”ни амалга оширади.

Ташкилот 2025 йил 31 декабрга қадар фаолият кўрсатиши режалаштирилган.