Тошкент вилоятида одам савдоси билан шуғулланганларга суд ҳукми ўқилди

Давлат хавфсизлик хизмати хабарига кўра, Туркияда яшовчи аёл қизларга авиачипта сотиб олиш, уларни кутиб олиш ҳамда фоҳишалик билан шуғуллантириш ишларига масъул бўлган.

2022 йил апрель ойи бошларида юқоридаги икки аёл Тошкент шаҳрида яшовчи, 1992 йилда туғилган фуқарони Туркия давлатига бориб, фоҳишалик билан шуғулланиш орқали ҳар ойда 2 минг АҚШ доллари ишлаб топишга қизиқтирган ҳамда дастлабки даромади тенг ярмини уларга бериши кераклигини тушунтирган. 

Туркия давлатида яшовчи исмли аёл фуқарога хорижга чиқиш паспорти олиши учун 50 АҚШ доллари ва Тошкент - Истанбул - Анқара йўналиши бўйича авиачипта юборган.

ДХХ ходимлари томонидан ИИВ ҳамкорлигида ўтказилган тезкор тадбирда аёллардан бири қизни Тошкент халқаро аэропортига олиб келиб, Туркия давлатига юбормоқчи бўлган вақтида қўлга олинган. Тезкор-қидирув тадбирлари жараёнида унинг шериги ҳам ушланган.

Уларга нисбатан Жиноят кодексининг 135-моддаси билан жиноят иши қўзғатилиб, тергов ҳаракатлари олиб борилган. Жорий йил август ойида жиноят ишлари бўйича Миробод туман суди томонидан аёллардан бирига нисбатан 3 йил, иккинчисига нисбатан эса 5 йил муддатга озодликдан маҳрум қилиш жазоси тайинланди.  Лекин унинг оилавий шароити, икки нафар вояга етмаган фарзандлари борлиги инобатга олиниб, Жиноят кодекси 72-моддаси қўлланилиб, тайинланган озодликдан маҳрум қилиш жазоси шартли ҳисобланиб, 2 йил синов муддати белгиланган.