Қўшимча функционаллар
-
Тунги кўриниш
Шавкат Мирзиёев Қозоғистонда Ражаб Тоййиб Эрдўған билан учрашди
Ўзбекистон ва Туркия етакчилари икки томонлама муносабатларнинг долзарб масалаларини муҳокама қилди.
Фото: Президент матбуот хизмати
Осиёда ҳамкорлик ва ишонч чоралари бўйича кенгаш саммити доирасида Ўзбекистон президенти Шавкат Мирзиёев Туркия президенти Ражаб Тоййиб Эрдўған билан учрашув ўтказди.
Кенг кўламли стратегик шериклик муносабатлари ва кўп қиррали ҳамкорликни янада мустаҳкамлаш юзасидан олий даражада эришилган келишувлар амалга оширилиши кўриб чиқилди.
Қўшма инвестиция лойиҳаларини илгари суриш ва янги ишбилармонлик ташаббусларини амалга ошириш, Туркия етакчи компанияларининг мамлакатдаги давлат корхоналарини хусусийлаштириш жараёнидаги иштирокига алоҳида эътибор қаратилди.
Фаол гуманитар алмашинувларни, энг аввало, маданият ва таълим соҳаларида давом эттириш муҳимлиги қайд этилди.
Жорий йил ноябрь ойида Самарқанд шаҳрида ўтказиладиган Туркий давлатлар ташкилотига тайёргарлик масалалари муҳокама қилинди. Вазирларнинг “Ўзбекистон-Туркия-Озарбойжон” форматидаги мунтазам учрашувлари доирасида самарали мулоқотни кенгайтиришга келишиб олинди.
Мавзуга оид
00:06 / 12.09.2024
Эрдўған: Туркия ҳеч қачон Қрим аннексиясини тан олмайди
09:05 / 03.08.2024
Эрдўған: 2024 йилги Олимпиада очилиш маросими ғазабга сабаб бўлди
23:21 / 29.07.2024
“Риторикалар бемақсад бўлмайди” — Эрдўғаннинг Исроилга таҳдиди қанчалик жиддий?
07:32 / 29.07.2024