Умрага боришни истаган фуқаролар пулини ўзлаштирган шахс ушланди 

Андижон вилояти прокуратураси хабарига кўра, Ф.А. Хўжаобод туманидан Умра мавсумида зиёратга бориш истагини билдирган 74 нафар фуқародан жами 1,4 миллиард сўм нақд пулларни олиб, ўзининг шахсий эҳтиёжларига ишлатиб юборган. 

Ҳолат юзасидан унга нисбатан Жиноят кодексининг 168-моддаси 4-қисми «а» банди ва бошқа моддалар билан жиноят иши қўзғатилиб, қамоққа олиш тарзидаги эҳтиёт чораси қўлланган. 

Ҳозирги вақтда Хўжаобод тумани ИИБ томонидан тергов ҳаракатлари олиб борилмоқда.