Деярли барча уяли алоқа операторлари ишида катта муаммолар ҳақида хабар берилди.
Фото: imago
Германияда уяли алоқа операторлари ишида кенг кўламли носозлик юз берди. Бу ҳақда 17 ноябр, пайшанба куни Bild нашри хабар қилди.
Нашр турли ресурслар ишидаги носозликларни кузатувчи Allestörungen порталига таяниб, Германиянинг деярли барча уяли алоқа операторлари муаммоларга дуч келганини қайд этди. Хусусан, уларнинг мижозлари қўнғироқ қилиш имкони йўқлигини маълум қилишди.
Абонентлар шикояти статистикасига кўра, муаммолар ҳақидаги хабарларнинг аксарияти, яъни 19 мингдан ортиғи О2 оператори абонентларидан келиб тушган. Компания Twitter саҳифасида носозликни тасдиқлади ва муаммони бартараф этиш устида иш олиб борилаётганига ишонтирди.
Bild нашрининг ёзишича, муаммо сабаби ҳозирча маълум эмас.
