Москва шаҳри ва вилоятида ишлашни хоҳловчилар учун ўзбек тилида веб-сайт очилди
Веб-сайт иш излаётганлар ёки ишчи излаётганларга кўмак бериш учун ишга туширилган.
Москва шаҳрининг Кўп функцияли миграция маркази (КММ) Россия пойтахти ва Москва вилоятида ишлашни хоҳловчилар ва иш берувчилар учун махсус веб-сайтни ишга туширди. Веб-сайт рус, ўзбек ва тожик тилларида фаолият юритади.
«КММ Россия ва бошқа давлатлар ўртасидаги миграция муносабатларини ривожлантириш доирасида кенг кўламли ишларни амалга оширмоқда. Унинг фаолияти хорижий фуқароларнинг юқори сифатли, тезкор ва ҳуқуқий интеграциясини ривожлантиришга, уларнинг Москва ва шу номдаги минтақа иқтисодиётига қўшадиган ҳиссасини оширишга ёрдам беради», дейилади Москва иқтисодий департаменти хабарида.
Миграция маркази Ўзбекистон ва Тожикистонда ҳам ўз ваколатхонасини очган, шунингдек, мобил иловани ишга туширган бўлиб, унинг ёрдамида мигрантлар ўзи учун қулай бўлган вақтда марказга бориш учун олдиндан рўйхатдан ўтиши, меҳнат патентини олиш хизмати учун ҳақ тўлаши, ойлик тўловлар тарихини смартфонда сақлаши мумкин.
Мавзуга оид
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
21:36 / 30.08.2024