Ўзбекистон ташқи савдо айланмасида сальдо 9 млрд доллардан ошди

Ўзбекистон Республикасининг ташқи савдо айланмаси 40,1 млрд АҚШ долларига етди.

2022 йилнинг январь-октябрь ойларида Ўзбекистон Республикасининг ташқи савдо айланмаси 40,1 млрд АҚШ долларига етди.

Давлат статистика қўмитаси маълумотларига кўра, бу ўтган йилнинг мос даври билан солиштирилганда қарийб 7,3 млрд АҚШ долларига ёки 22,2 фоизга ошган.

40,1 млрд АҚШ долларини ташкил этган ташқи савдо айланмасида экспорт – 15,5 млрд долларга тенг бўлди. Экспорт таркибида маҳсулотлар – 12,2 млрд, хизматлар – 3,3 млрд долларни ташкил қилди.

Ўз навбатида, импорт – 24,6 млрд долларга тенг бўлди. Бунда, импорт таркибида маҳсулотлар – 22,5 млрд, хизматлар – 2,1 млрд долларни ташкил этди.

Ташқи савдо айланмаси таркибида сальдо – 9,1 млрд долларга тенг.