O‘zbekiston tashqi savdo aylanmasida saldo 9 mlrd dollardan oshdi

2022 yilning yanvar-oktabr oylarida O‘zbekiston Respublikasining tashqi savdo aylanmasi 40,1 mlrd AQSh dollariga yetdi. 

Davlat statistika qo‘mitasi ma’lumotlariga ko‘ra, bu o‘tgan yilning mos davri bilan solishtirilganda qariyb 7,3 mlrd AQSh dollariga yoki 22,2 foizga oshgan. 

40,1 mlrd AQSh dollarini tashkil etgan tashqi savdo aylanmasida eksport – 15,5 mlrd dollarga teng bo‘ldi. Eksport tarkibida mahsulotlar – 12,2  mlrd, xizmatlar  – 3,3 mlrd dollarni tashkil qildi.

O‘z navbatida, import – 24,6 mlrd dollarga teng bo‘ldi. Bunda, import tarkibida mahsulotlar – 22,5 mlrd, xizmatlar – 2,1 mlrd dollarni tashkil etdi.

Tashqi savdo aylanmasi tarkibida saldo – 9,1 mlrd dollarga teng.