Тошкентда бажарилган қурилиш ишлари ҳажми қарийб 5 фоизга ошди

2022 йилнинг январь-сентябр ойларида Тошкент шаҳрида жами қарийб 23,3 трлн сўмлик қурилиш ишлари бажарилган.

Давлат статистика қўмитаси маълумотларига кўра, бажарилган қурилиш ишлари ҳажми 2021 йилнинг мос даврига нисбатан солиштирилганда 4,9 фоизга ошган.

Тошкент шаҳрида бажарилган қурилиш ишлари таркибида кичик корхона ва микрофирмалар етакчилик қиляпти – 53,5 фоиз.

Ушбу кўрсаткич қолганларда қуйидагича кўринишга эга бўлди:

• йирик қурилиш ташкилотлари томонидан бажарилган ишлар – 34,2 фоиз;
• норасмий секторлар – 12,3 фоиз.