Товламачилик йўли билан 5 минг доллар олмоқчи бўлган Тошкент метроси ходими ва ҳоким ёрдамчиси ушланди

«Тошкент метрополитени» хабарига кўра, унинг давомида товламачилик йўли билан талаб қилинган 5000 АҚШ долларидан 5 000 000 сўм пулни «Х.Ж.»дан олаётганида уюшган жиноят гуруҳ аъзолари ушланган.

Хабарга кўра, Х.Г. («Тошкент метрополитени» ДУК ходими), А.Р. (Зангиота тумани «Бўзсув» ҚФЙда ҳоким ёрдамчиси) ашёвий далиллар билан қўлга олинган. 

Тадбир давом эттирилиб, уларнинг шериклари З.А. (вақтинча ишсиз) ва «А.Б.» (вақтинча ишсиз) ҳам қўлга олингани айтилади.

Маълум қилинишича, айбдорларга нисбатан ҳуқуқни муҳофаза қилиш органлари томонидан Жиноят кодекси 165-моддаси (Товламачилик) билан жиноят иши қўзғатилиб, тергов ҳаракатлари олиб борилмоқда.