ID-картага эга ҳайдовчилар қатор ҳужжатларни ЙПХ ходимига тақдим қилмаслик ҳуқуқига эга

Идентификация ID-картага эга ҳайдовчилар қатор ҳужжатларни ЙПХ ходимига тақдим қилмаслик ҳуқуқига эга.

Фото: Тошкент шаҳар ИИББ ахборот хизмати

"Ички ишлар органлари фаолиятига замонавий ахборот технологияларини кенг жорий этиш чора-тадбирлари тўғрисида"ги ҳукумат қарорига кўра, улар қуйидагилар:

янги намунадаги ҳайдовчилик гувоҳномаси;
транспортни рўйхатдан ўтказганлик тўғрисидаги, транспортга эгалик қилиш, эгаси йўқлигида ундан фойдаланиш ёки уни тасарруф этиш ҳуқуқини тасдиқловчи ҳужжатлар;
транспорт эгалари фуқаролик жавобгарлигини мажбурий суғурта қилиш бўйича суғурта полиси.

Ҳайдовчи йўл-патрул хизмати инспекторига тақдим этилиши лозим бўлган ҳужжатлари ёнида бўлмаган тақдирда мазкур ҳужжатлар махсус планшет қурилмаси ёрдамида идентификация ID-картаси орқали текширилади.