Путин: «Фақат менга ишонишингиз мумкин»
Россия президенти Украинадаги уруш билан боғлиқ ҳарбий таъминот масаласи ҳақидаги саволга шундай жавоб қайтарди.
ЕОИИ саммити якунлари бўйича ўтказилган матбуот анжуманида Россия президенти Владимир Путиндан армияни таъминлаш масалаларида Мудофаа вазирлиги ёки фронт жангчиларидан қай бирига ишониш кераклиги сўралди. Давлат раҳбари фақат ўзига ишониш мумкинлигини айтди.
«Ҳеч кимга ишонолмайсиз, фақат менга ишонишингиз мумкин», деди президент.
Путин армия таъминоти масаласида Мудофаа вазирлиги билан мунтазам иш олиб бораётганини айтди. Шунингдек, россиялик ҳарбийларни таъминлаш билан боғлиқ муаммолар сақланиб қолаётганини, бироқ улар тобора камайиб бораётганини ва энг кескинлари аллақачон ҳал этилганини маълум қилди.
Матбуот анжуманида Путин сафарбарликни қайта бошлаш учун ҳеч қандай омиллар йўқлиги, «махсус операция одатдагидек давом этаётганини» таъкидлади.
Унинг сўзларига кўра, Украинадаги ҳарбий операция узоқ давом этиши мумкин.
Мавзуга оид
08:50 / 01.10.2024
Путин РФ Хавфсизлик кенгаши таркибини 35 кишигача кенгайтирди
23:50 / 30.09.2024
Путин ва унинг администрацияси харажатлари 25 фоизга ошади
08:10 / 30.09.2024
Украина Россиядаги ракета арсеналига муваффақиятли зарба берганини эълон қилди
18:01 / 29.09.2024