Ўзбекистон ҳамёнбоп уйлар бўйича дунёда 75-ўринда қайд этилди

Ўзбекистон уй-жой сотиб олиш имконияти кўрсаткичлари бўйича дунёнинг 113 мамлакати орасида 75-ўринни эгаллаб турибди.

Фото: KUN.UZ

Numbeo таҳлилчилари рейтингига кўра, Ўзбекистон уй-жой сотиб олиш имконияти кўрсаткичлари бўйича Осиёнинг 40 мамлакати орасида 14-ўринни ва дунёнинг 113 мамлакати орасида 75-ўринни эгаллаб турибди.

Рейтингни тузишда квартира қийматининг оила ўртача йиллик даромадига нисбати олинган. Энг яхши кўрсаткични Саудия Арабистони, БАА, Жанубий Африка, Пуэрто-Рико ва АҚШ кўрсатган.

Рейингда Қозоғистон 33-ўринда, Молдова 42-ўринда, Украина 50-ўринда, Озарбойжон 74-ўринда қайд этилган. Арманистон (85), Россия (88) ва Беларус (90) кўрсаткичи Ўзбекистонникидан ёмонроқ.

Numbeo таҳлилчилари томонидан тузилган яна бир рейтинг шаҳар марказидаги квартира қийматига боғлиқ.

Ўзбекистон бу рейтингда 14-ўринда қайд этилган – 1 кв.м. ўртача қиймати $1057. Энг яхши кўрсаткич Миср, Покистон ва Венесуэлага тегишли. Энг қиммат уйлар Жанубий Корея, Сингапур ва Ҳонгконгда.