Қўшимча функционаллар
-
Тунги кўриниш
Украинада тинч аҳолини ўлдирганини тан олган россиялик ҳарбий «фейк» маълумот тарқатишда айбланди
Россиянинг Хабаровск гарнизони ҳарбий судига ҳарбий хизматчи Даниил Фролкинга нисбатан айблов келиб тушган. У Россия армияси ҳақида қасддан ёлғон маълумот тарқатганликда айбланмоқда. «ОВД-Инфо» ушбу жиноят ишига эътибор қаратди.
«Важные истории» маълумотларига кўра, айбланаётган шахснинг фамилияси, исми ва шарифи, 2022 йил ёзида ушбу нашрга Украинанинг Киев области, Андреевка қишлоғида тинч фуқарони ўлдирганини тан олган россиялик ҳарбийнинг исм-шарифига тўлиқ мос келади.
Фролкин ўшанда «Важные истории»га ўзи ўлдирган украиналик Киев областида ҳаракатланаётган рус колонналари координаталарини Украина қуролли кучларига етказгани, уни ўлдириш буйруғи командир томонидан берилганини айтганди. Фролкин ўша командири ва бошқа командирларни танқид қилган ва армиядан кетишга ваъда берганди.
«Важные истории» Фролкин иқрори баён қилинган материални босиб чиқарган пайтда, у ҳақиқатан ҳам ҳарбий хизматдан кетган эди.
Нашр ушбу жиноят иши бўйича ундан изоҳ олишга уринган, бироқ Фролкин қўнғироқ ва СМСларга жавоб бермаган. Жиноий иш унинг «Важные истории» нашрига берган интервьюсига боғлиқ ёки йўқлиги номаълум.
Украинада Фролкин уруш қонунлари ва одатларини бузганликда айбланган. Унга қўйилган жиноят иши моддасининг санкциясида умрбод озодликдан маҳрум қилиш жазоси белгиланган.
Россия-Украина уруши
Мавзуга оид
21:15 / 23.06.2026
Россия Украина билан «2022 йилдаги Истанбул келишувлари асосида» музокаралар олиб боришга тайёр - Путин
20:55 / 23.06.2026
Украина Қримни материк билан боғловчи кўприклардан бирини вайрон қилди
10:30 / 23.06.2026
Журналистлар: Украина урушида камида 227 минг россиялик ҳарбий ҳалок бўлган
16:13 / 22.06.2026