KazTransOil Россия нефтининг Қозоғистон орқали Ўзбекистонга транзити учун янги тарифни тасдиқлади.
Фото: РИА Новости
Компания матбуот хизмати хабарига кўра, KazTransOil бош директорининг 27 декабрдаги буйруғи билан нефтни транзит қилиш бўйича хизмат кўрсатиш тарифи 1 тонна учун 27,9 АҚШ доллари миқдорида тасдиқланган (ҚҚС инобатга олинмаган).
Ушбу тариф 2023 йил 1 февралдан бошлаб амал қилади.
Ҳозирда амалдаги тариф 25,12 долларни ташкил қилади.
Тариф ичига Россиянинг Қозоғистон билан чегарасидан Шағир нефт қуйиш станцияси йўналиши бўйлаб нефтни етказиб бериш нархи (1 тонна учун 24,28 АҚШ доллари) ва Шағир нефт қуйиш станциясида темирйўл цистерналарига қуйиш тарифини (1 тонна учун 0,84 доллар) ўз ичига олади.
