Ўзбекистон ва Қирғизистон қўшма саноат кооперацияси лойиҳаларини режалаштиряпти

Ўзбекистон ташқи ишлар вазири вазифасини бажарувчи Бахтиёр Саидов Қирғизистон элчиси Муса Жаманбаевни қабул қилди.

Дўстлик, яхши қўшничилик ва стратегик шериклик тамойилларига асосланган Ўзбекистон - Қирғизистон муносабатларининг долзарб масалалари муҳокама қилинди.

Икки мамлакат раҳбарларининг учрашув ва музокаралари якунида қабул қилинган қарорларнинг ижроси кўриб чиқилди.

Томонлар олий ва юқори даражадаги режалаштирилган тадбирларнинг ташкилий ва мазмуний жиҳатлари юзасидан фикр алмашдилар.

Қўшма саноат кооперацияси лойиҳаларини илгари суришга алоҳида эътибор қаратилди.