Навоийда Россия ва Хитой иштирокида янги нефт-кимё қўшма корхонаси ташкил этилди

Корхонадаги асосий улуш Россиянинг «Татнефт» компаниясига тегишли.

Иллюстратив фото

Навоий шаҳрида ТаtSinoNavoi МЧЖ нефт-кимё қўшма корхонаси ташкил этилди. Унинг таъсисчилари орасида Россиянинг «Татнефт» компанияси бор.

Ўзбекистон корхона ва ташкилотларининг ягона давлат реестрига кўра, компания 2022 йил 1 декабрида рўйхатдан ўтган. Асосий фаолияти сифатида ноорганик кимё моддаларини ишлаб чиқариш кўрсатилган. Устав капитали - 336 млрд сўм (ёки 29,7 млн доллар). Компания раҳбари – Рамил Гилванов.

ТаtSinoNavoi МЧЖ 51 фоиз улуши «Татнефт» (Россия), 15 фоизи China National Chemical Engineering Co., Ltd. (CNCEC), 14 фоизи «НавоиАзот» АЖ (Ўзбекистон), 10 фоизи Tatarstan Trade House SAN ва Yevrazia компанияларига тегишли.