Қўшимча функционаллар
-
Тунги кўриниш
Шавкат Мирзиёев 5 нафар офицерга генерал унвонини берди
Мудофаа вазири, ички ишлар вазири ва ДХХ раисининг бир нафардан ўринбосарлари ҳамда икки қўмондонга генерал-майор унвони берилди. Шунингдек, Бош прокурор ўринбосарларидан бири ва Қорақалпоғистон прокурорига “III даражали давлат адлия маслаҳатчиси” махсус унвони топширилди.
Фото: Президент матбуот хизмати
Қуролли Кучлар Олий Бош қўмондони Шавкат Мирзиёев 14 январ – Ватан ҳимоячилари куни арафасида ҳарбийлар ва ҳуқуқни муҳофаза қилувчи органлар ходимларидан бир гуруҳига янги унвонлар берди.
Тўрт нафар ҳарбий мулозим генерал-майор ҳарбий унвонини олди:
- мудофаа вазирининг тарбиявий ва мафкуравий ишлар бўйича ўринбосари полковник Қаршиев Ҳамдам Алиқулович;
- Марказий ҳарбий округ қўмондони полковник Саидов Ойбек Озодович;
- Шимоли-ғарбий ҳарбий округ қўмондони полковник Шерматов Фарҳоджон Ортиқович;
- ДХХ раиси ўринбосари Мухторов Фаррух Шаҳобиддинович.
Ички ишлар вазири ўринбосари – Жамоат хавфсизлиги департаменти бошлиғи Абдуллаев Бекмурод Тожимирзаевич генерал-майор махсус унвонини олди.
Бош прокурор ўринбосари Йўлдошев Эркин Тўрақулович ва Қорақалпоғистон Республикаси прокурори Тожиев Эркабай Аминовичга “III даражали давлат адлия маслаҳатчиси” махсус унвони (генерал-майор унвонига тенг) топширилди.
Ҳарбий унвонларни Олий Бош Қўмондон Шавкат Мирзиёев топширди.
Мавзуга оид
23:25 / 09.11.2024
Самарқандда Қуролли кучлар хизматчиси, солиқчи, Миллий гвардия ва кадастр ходимлари пора билан ушланди
16:46 / 09.11.2024
Учта вилоят ва Тошкент шаҳрида гиёҳванд модда савдоси билан шуғулланганлар қўлга олинди
18:23 / 07.11.2024
Чақириққача бошланғич тайёргарлик ўқитувчиси штати Мудофаа вазирлигига ўтади
10:23 / 07.11.2024