Ўзбекистон Эроннинг Чобаҳор ва Бандар-Аббос портларидан фойдаланиши масаласи муҳокама этилди
Ўзбекистон президенти Эрон ташқи ишлар вазирини қабул қилди.
Ўзбекистон президенти Шавкат Мирзиёев 24 январ куни ИҲТ Ташқи ишлар вазирлари кенгашининг йиғилиши доирасида Эрон Ислом Республикаси ташқи ишлар вазири Ҳусайн Амир Абдуллоҳиён бошчилигидаги делегацияни қабул қилди.
Учрашувда Эрон президенти Иброҳим Раисийнинг 2022 йил сентябр ойида Ўзбекистонга расмий ташрифи давомида эришилган келишувлар икки давлат ўртасидаги кўп қиррали ҳамкорликни янада ривожлантириш учун мустаҳкам асос яратгани таъкидланди.
Ўзбекистон етакчиси ўзаро мулоқотлар фаоллашгани, савдо изчил ошиб бораётгани ва етакчи корхоналарнинг кооперацияси кучайганини мамнуният билан қайд этди.
Транспорт ва логистика соҳаларидаги ҳамкорликни илгари суриш, жумладан, Чобаҳор ва Бандар-Аббос портларидан самарали фойдаланиш масалаларига алоҳида эътибор қаратилди.
Бўлажак тадбирлар режаси кўриб чиқилди, халқаро аҳамиятга молик долзарб масалалар юзасидан фикр алмашилди.
Мавзуга оид
20:12 / 28.09.2024
Эрон олий раҳнамоси «Ҳизбуллоҳ» раҳбари ўлдирилганидан кейин хавфсиз жойга кўчирилди
09:19 / 28.09.2024
Нетаняҳу БМТда Эронга Исроилнинг «қўли узунлиги» билан таҳдид қилди
12:10 / 26.09.2024
Трамп Эрон томонидан ўлдириш таҳдидлари ҳақида огоҳлантирилди
21:24 / 25.09.2024