Ўзбекистон маҳсулотлари кўпроқ Россияга сотилаётгани маълум бўлди

Ўзбекистон экспортидаги топ 10 давлатлар маълум қилинди. Президент ҳузуридаги Статистика агентлиги тегишли хабар билан чиқди.

Фото: Kun.uz

Агентлик маълумотларига кўра, 2022 йилда Ўзбекистон экспортида юқори улушга эга бўлган ҳамкор давлатлар орасида Россия етакчига айланди – 3,1 млрд доллар.

Ундан кейинги ўринлардан мос равишда 2,5 млрд доллар ҳамда 1,5 млрд долларлик савдо айланмаси билан Хитой ва Туркия жой олди.

Ушбу кўрсаткич қолган давлатлар кесимида қуйидагича кўринишга эга бўлди:

— Қозоғистон – 1,4 млрд;
— Қирғизистон – 979 млн;
— Афғонистон – 751 млн;
— Тожикистон – 520 млн;
— Канада – 226 млн;
— Туркманистон – 195 млн;
— Эрон – 140 млн АҚШ доллари.

Тайёрлаган: Отабек Матназаров

#экспорт #Россия