Канада Украинага биринчи Leopard 2 танкини юборди

Канада қироллик ҳарбий-ҳаво кучларининг бортида танк бўлган самолёти Галифаксдан ҳавога кўтарилди, дея маълум қилди Анита Ананд. 

Оттава Украина Қуролли кучларини ғалаба учун зарур бўлган жиҳозлар билан таъминлашда давом этади, дея қўшимча қилди у.

Аввалроқ Канада Россияга нисбатан санкциялар рўйхатини кенгайтирганди. 

Рўйхатга Оттавага кўра, «Россия дезинформацияси ва ташвиқотини тарқатиш билан шуғулланган» 38 жисмоний ва 16 юридик шахс киритилган.

2014 йилдан бери Оттавада Россия, Украина ва Беларусдан деярли 4000 киши ва ташкилотларга нисбатан жазо чоралари қўлланган, дея эслатади Reuters.

2022 йил декабрь ойида Канада ҳукумати санкцияга учраган россиялик миллиардер Роман Абрамовичга тегишли бўлган Granite Capital Holdings Ltd компаниясининг 26 миллион доллар (24 миллион евро) активларини мусодара қилиш жараёни бошланганини эълон қилди.