Қашқадарёда темирйўлга кўчки тушди. Поездлар ҳаракати вақтинча тўхтатилган

Бугун, 2023 йил 9 февраль куни соат 06:10 да «Қарши минтақавий темирйўл узели» унитар корхонасига қарашли Чашма-Оқработ станциялари оралиғининг 103-км 5-6 пикет қисмида тупроқ кўчкиси содир бўлди.

«Ўзбекистон темирйўллари» хабарига кўра, тупроқ кўчкиси сабабли поездлар ҳаракати вақтинча тўхтатилган.

Ҳозирги пайтда ушбу ҳолатни бартараф этиш мақсадида мутахассислар ушбу ҳудудга етиб келган ва 3 дона экскаватор, 7 дона самосвал, 2 дона бульдозер, ва бошқа техникалар жалб этган холда тупроқ кўчкиларини темирйўл изидан тозалаш ишлари амалга оширилмоқда.

Поездлар ҳаракатини тиклаш ҳақидаги маълумотлар тўлдирилади, дейилади расмий хабарда.