Қўшимча функционаллар
-
Тунги кўриниш
Самарқандда меҳмонхона 7,6 млрд сўмлик электр энергиясидан ноқонуний фойдалангани аниқланди
Яширинча ўрнатилган ускуна орқали 16,9 млн кВ⋅соат электр энергияси ўғирланган.
Фото: Энергетика вазирлиги
Энергетика вазирлиги ҳузуридаги «Ўзэнергоинспекция» ва ҳуқуқни муҳофаза қилувчи органлар билан ҳамкорликда ўтказилган назорат тадбирлари давомида Самарқанд шаҳри, Сўғдиёна мавзесида фаолият юритаётган D.S.A корхонаси электр энергиясидан ноқонуний фойдалангани аниқланди.
Хусусан, ушбу тадбиркорлик субъектига тегишли меҳмонхонада яширинча ўрнатилган ускуна орқали электр ҳисоблаш тизимига ташқи таъсир кўрсатилган. Оқибатда 16,9 млн кВ⋅соат электр энергияси ўғирланган. Корхонага нисбатан 7,6 млрд сўм миқдорида қайта ҳисоб-китоб ишлари амалга оширилган.
Ушбу ҳажмдаги электр энергияси 85 мингта хонадоннинг бир ойлик ўртача истеъмолини ташкил қилади.
Қоидабузар истеъмолчига нисбатан белгиланган тартибда чора кўрилиб, тегишли ҳужжатлар ҳуқуқни муҳофаза қилувчи органларга тақдим этилган.
Мавзуга оид
13:57 / 29.10.2024
Скутер ва самокатдаги ҳуқуқбузарликлар учун маъмурий жавобгарлик белгиланди
15:03 / 27.10.2024
Тошкентда қурилиш ташкилоти электр тармоғини узиб юборди
23:44 / 19.10.2024
“Яшил” электр станциялар орқали атмосферага йилига 21 млн тонна зарарли газлар чиқиши олди олинади — Энергетика вазирлиги
23:13 / 08.10.2024