Шавкат Мирзиёев Қашқадарёга жўнаб кетди

Президент Шавкат Мирзиёев ижтимоий-иқтисодий ислоҳотларнинг бориши билан танишиш мақсадида 24 февраль куни Қашқадарё вилоятига жўнаб кетди.

Фото: Президент матбуот хизмати

Давлат раҳбари матбуот хизмати хабарига кўра, Шавкат Мирзиёев ташриф давомида маҳаллалар ҳаёти, таълим муассасалари ва саноат корхоналари фаолиятини кўздан кечиради.

Бундан ташқари, янги лойиҳалар ишга туширилиши режалаштирилган.

Шунингдек, вилоятни ривожлантиришнинг муҳим йўналишлари белгиланади, дейилади расмий хабарда.