Владимир Путин ва Си Жинпинг Москвада музокара ўтказди: асосий баёнотлар 

Россия президенти Владимир Путин ва Хитой раҳбари Си Жинпинг Москвада музокара ўтказди. «Коммерсантъ» давлат раҳбарларининг баёнотидан қисқача иқтибослар келтирди. 

Россия президенти Владимир Путин:

 - Музокаралар муваффақиятли ва конструктив тарзда ўтди;

- Икки мамлакат ўртасидаги муносабатлар тарихдаги энг юқори даражада;

- Хитой тинчлик режасининг кўплаб қоидалари Украинадаги келишув учун асос сифатида олиниши мумкин. Аммо олдин Ғарб ва Киев бунга тайёр бўлиши керак;

- Киевга бойитилмаган уранли қуролларни етказиб бериш режалари Ғарб Россияга қарши сўнгги украиналик қолгунга қадар «сўзда эмас, амалда» курашмоқчи эканини англатади;

- Кўпгина халқаро масалаларда Россия ва Хитойнинг позициялари яқин ёки мос келади;

- Мўғулистон билан «Сила Сибири 2» газ қувури бўйича барча келишувларга эришилди;

- Россия Осиё, Африка ва Лотин Америкаси мамлакатлари билан ҳисоб-китобларда Хитой юанидан фойдаланиш тарафдори;

- Россиядан Хитойга суюлтирилган табиий газ етказиб бериш кўпайтирилади, Москва нефт етказиб беришни узлуксиз оширишга тайёр;

- Россия бизнеси Хитойнинг энергияга бўлган ўсиб бораётган талабини қондиришга қодир;

- Россия ва Хитой ўртасидаги товар айирбошлаш ҳажми 2022 йилда тарихий рекорд — 185 миллиард долларга етди;

- Россиядан Хитойга гўшт ва дон экспортини сезиларли даражада ошириш имкониятлари мавжуд;

- Россия ва Хитой ўртасида қишлоқ хўжалиги маҳсулотлари савдоси жадал суръатлар билан ўсиб бормоқда;

- Хитой Узоқ Шарқнинг иқтисодий ривожланишида Россиянинг етакчи ҳамкорига айланди;

- Россия ва Хитой Шимолий денгиз йўлини ривожлантириш бўйича қўшма ишчи орган яратишга тайёр;

- Россия ШҲТ доирасида спорт уюшмаси ташкил этилишини қўллаб-қувватлайди;

- Москва ва Пекин ахборот технологиялари, тармоқ хавфсизлиги ва сунъий интеллект соҳасида жаҳон етакчиларига айланиши мумкин;

- Россия ўз ҳудудидан чиқиб кетган корхоналарни алмаштиришда Хитой бизнесини қўллаб-қувватлашга тайёр;

- Россия анти-ковид чекловлари бекор қилиниши контекстида Хитой билан талабалар алмашинувини бир неча марта оширишга умид қилмоқда; 

Хитой раҳбари Си Жинпинг: 

- Путин билан музокаралар самимий ва дўстона ўтди;

- Хитой-Россия алоқалари ҳозирги дунё тизими учун жуда муҳимдир;

- Савдо ҳажмининг ўсиши Россия ва Хитойга ижтимоий-иқтисодий ривожланишга туртки берди;

- Хитой БМТ Низоми тамойилларига амал қилган ҳолда Украина инқирози бўйича холис позицияга эга;

- Хитой Украинадаги можарони ҳал қилиш масаласида тинчлик ва мулоқот тарафдори;

- Хитой ва Россия БМТ Хавфсизлик Кенгашининг доимий аъзоси сифатида халқаро муносабатларнинг асосий меъёрларига амал қилишда давом этади;

- Хитой ва Россия кўп қутбли дунёни шакллантириш учун конструктив куч яратади;

- Савдода, жумладан, IT-соҳасида, ресурслар савдосида комплекс режалаштириш йўлга қўйилади.