Шунингдек, Беларуснинг йирик компаниялари ҳам санкциялар остида қолди.
АҚШ Молия вазирлиги Беларус президенти Александр Лукашенко томонидан фойдаланиладиган Boeing 737 самолётига нисбатан санкциялар жорий қилди. Бу ҳақда вазирлик сайтида хабар берилди.
«EW-001PA - бу Беларус ҳукуматига тегишли Boeing 737 самолёти. У АҚШ санкциясига учраган Беларус раҳбари Александр Григоревич Лукашенко томонидан президент самолёти сифатида фойдаланилади», дейилади Молия вазирлиги хабарида.
Лукашенко, АҚШ Молия вазирлигига кўра, ушбу ва бошқа «ҳашаматли» самолётлардан шахсий мақсадда, шунингдек, ўз оиласи ва ҳамроҳларининг бошқа аъзолари билан халқаро саёҳатлар учун фойдаланади, дейилади вазирлик хабарида.
Вазирликнинг Хорижий активларни назорат қилиш бошқармаси ушбу Boeing 737 самолётини Лукашенко манфаатдор бўлган мулк сифатида баҳолаган.
Самолётдан ташқари, Қўшма Штатлар Беларуснинг БелАЗ ва МАЗ машинасозлик компанияларига, шунингдек, жисмоний ва юридик шахсларга қарши санкциялар киритди.
