— Бу автобусларнинг техник шартларига йўловчиларнинг оқимини санаш мосламасини қўшганмиз. Уларда хавфсизлик нуқтайи назаридан 9 тадан видеокамера ўрнатилган. Салони экранлар билан ҳам таъминланган. Мазкур экранлар орқали оралиқ бекатларни автомат равишда эълон қилиб бориш имконияти ҳам бор.
Тошкент шаҳри транспорт модели, унда 167 та йўналишдан иборат янги йўналишлар тармоғи ишлаб чиқилган. Апрел ойидан бошлаб мана шу тармоқларни босқичма-босқич жорий этиб борамиз. Автобуслар келиши билан барчаси янги йўналишга жойлаштирилади. Ҳозирги кунда мингта автобусдан 233 таси Тошкент шаҳрига етказиб берилди. Буларнинг 30 таси 18 метрли “гармошка”, 103 таси табиий газда юрадиган 12 метрли ҳамда 100 таси электрда ҳаракатланадиган автобуслар ҳисобланади.
Президентнинг қарорига асосан, апрелдан бошлаб йилнинг сўнгигача брутто-шартнома, яъни янгича молиялаштириш тизимига ўтишимиз керак. Бугунги кунда 34 та йўналишнинг қиймати ҳисоблаб чиқилиб, электрон тендерларга савдоларга чиқарилди. Май ойидан бу тендер савдолари ўйналиб, йўналишларга татбиқ этиб борилади.
Кейинги ҳафтадан бу янги ҳаракат таркибларини босқичма-босқич йўналишларга чиқарамиз. Ҳозирда божхона расмийлаштириш ишлари олиб борилмоқда. Айни вақт 30 та автобус расмийлаштирилиб, уларга давлат рақамлари олинган. У автобусларни кейинги ҳафтадан йўналишларга чиқарамиз, деди Анвар Жўраев 8 апрел куни Янги Ўзбекистон боғида ўтган янги автобулар тақдимотида.
— Қанча одам фойдалана олади бу автобуслардан? Бу ҳам ҳисоб-китоб қилинадими?
— Бугунги кунда 1 100 нафар ҳайдовчи билан кунига 670 минг нафар одамни ташимоқдамиз. Бу келаётган мингта автобус билан кунига 1 800 та автобусни чиқариш режалаштирилган. Ҳисоб-китобларга асосан, бу билан кунлик йўловчилар оқими камида 1 млн нафарни ташкил қилади.
— Битта автобус қанча одамни таший олади?
— Ўртача 2 минг нафар ташилади. Янги тармоғимиз 4 та коридордан иборат. Магистралимизнинг ўзида 13 та йўналиш бўляпти, бу йўловчи оқими энг кўп бўлган йўналишлардан ҳисобланади. Бу йўналишлардаги автобусларнинг интервали 4-5 дақиқани ташкил этади. Қолган ҳалқа, етказиб берувчи ва боғловчи йўналишларимизнинг интервали 6-7 дақиқани ташкил қилади. Жамоат транспорти жозибадорлиги ошиши ҳисобига йўловчилар сонини 1,5 баробарга ошириш кўзда тутилган.
