Қўшимча функционаллар
-
Тунги кўриниш
Украинада қонунларни ЕИ стандартларига мослаштириш идораси очилди
Украина Олий радаси қонунларни Европа Иттифоқи қоидаларига мослаштириш билан шуғулланади - бунинг учун у махсус идора очди. Европарламент спикери Украинанинг ЕИга кириши бўйича музокаралар 2023 йилда бошланишини истисно этмади.
Олий рада ҳузурида Украина қонунчилигини Европа Иттифоқи стандартларига мослаштириш бўйича идора очилмоқда. Бу ҳақда Украина парламенти спикери Руслан Стефанчук 12 апрель, чоршанба куни Олий рада ва Европарламент қўмиталари раҳбарлари биринчи қўшма йиғилишида маълум қилди. Брюссел ва Киевдаги депутатлар учрашуви видео-алоқа орқали ўтгани учун у камера олдида офис очиш ҳақидаги буйруқни имзолади.
Ўз навбатида, Европарламент спикери Роберта Метсола Украинанинг ЕИга кириши бўйича музокаралар 2023 йилдаёқ бошланишига умид билдирди. Парламент қўмиталари раҳбарлари биринчи қўшма йиғилиши Европа Иттифоқи ва Украина ўртасидаги ҳамкорлик йўлидаги муҳим янги қадамдир, деди у.
«Бугунги йиғилиш институтларимиз ўртасида чуқур, кенг қамровли ва соҳага оид ҳамкорликнинг бошланишини кўрсатади. Бу ҳамкорлик Украинанинг Европа йўли учун жуда муҳим, - деди Метсола. - Украинанинг келажаги Европа Иттифоқида эканлигига шубҳа йўқ».
