Купянскка ракета зарбаси берилди, Донбассда артиллерия ишламоқда. Уруш суратлари

Украинада урушнинг 426-куни ўтди. Асосий маълумотлар:

• Россия қўшини Харкив областининг Купянск шаҳри марказига зарба берди. Ракета Ўлкашунослик музейи биносига келиб тушган, икки аёл ҳалок бўлиб, тинч аҳоли вакиллари бўлган яна 10 киши тан жароҳатлари олган.
• Владимир Путин Россиянинг чет элдаги активлари мусодара қилинган тақдирда жавоб чоралари кўриш тўғрисидаги фармонни имзолади. У «дўст бўлмаган мамлакатлар»дан бўлган юридик ва жисмоний шахсларнинг активларини «вақтинча бошқарувга ўтказиш»ни назарда тутади.
• Украинада Хакасия олий кенгаши депутати Дмитрий Иванов ҳалок бўлди, у «Вагнер» ХҲК сафига қўшилганди.
• Новосибирск аҳолиси вакиллари 200 га яқин янги қабрлардан иборат қабристонни аниқлади. «Тайга.Инфо» маълумотига кўра, қабрларнинг аксарида — «Вагнер» ХҲК ўзининг Украинада ҳалок бўлган ёлланма жангчиларининг қабрларига ўрнатадиган гулдасталарга ўхшаш гулдасталар бор. Дафн этилганларнинг аскари ўтмишда узоқ муддатларга қамалган маҳбуслар бўлган.
• Буюк Британия мудофаа вазирлиги Украинага Challenger 2 танклари учун минглаб ўқ-дорилар, жумладан кучсизлантирилган уранли снарядлар юборилганини маълум қилди.

Купянск ўққа тутилиши оқибатлари

Россия қўшини 25 апрел куни Купянск шаҳрини ўққа тутди — Харкив областининг шарқий қисмидаги бу шаҳар 2022 йилда ярим йилдан ошиқ вақт давомида оккупация остида яшаган, сентябр ойида Украина қуролли кучларининг қарши ҳужуми давомида озод этилганди.

Зарба Ўлкашунослик музейига берилган. Харкив области ҳарбий маъмурияти раҳбари Олег Синегубов хабар беришича, ҳужум оқибатида икки аёл ҳалок бўлган, яна ўн киши яраланган. Россия мудофаа вазирлиги ўз ҳисоботида Россия артиллериясининг Купянск йўналишидаги муваффақиятларини баён қилган, аммо шаҳарнинг ўзи ўққа тутилгани ҳақида эслаб ўтмаган. Қуйида Купянскда зарба оқибатлари акс этган суратлар. 

Донбасс шимолидаги украин артиллериячилари