Россия Киевни яна ўққа тутди – суратлар

Россия қўшини 6 июлга ўтар кечаси Киевга баллистик ракеталар ва дронлар билан ҳужум қилди. Украина қуролли кучлари ҳаво кучлари баёнотига кўра, мамлакат ҳудуди бўйлаб жами 68 та ракета ва 350 дан ортиқ дрон (жумладан, имитатор дронлар) учирилган. Зарбанинг асосий нишони Киев бўлди. Украина пойтахтини ҳимоя қилиши керак бўлган ҳаво ҳужумидан мудофаа тизимлари Киев йўналишида ҳаракатланган 23 та баллистик ракета ва «Циркон» русумли олтита ракетадан бирортасини уриб тушира олмаган.

Украина қуролли кучлари ҳаво кучлари Юрий Игнат маълум қилишича, украин ҳарбийларида Patriot ҳаво ҳужумидан мудофаа комплекслари учун ракеталар етишмаяпти. Киевда Россия зарбаси оқибатида, сўнгги маълумотларга кўра, 11 киши ҳалок бўлиб, 46 киши яраланган, деб хабар берди шаҳар мэри Виталий Кличко. Шаҳарнинг тўртта районидаги бинолар шикастланган. Нисбатан энг жиддий вайронгарчиликлар Подолск районида қайд этилган. Вайрон бўлган бинолар ҳудудида қидирув-қутқарув ишлари давом этмоқда, Украина расмийлари қурбонлар ва яраланганлар сони ошиши мумкинлигини истисно этмаяпти. 7 июл Киевда мотам куни деб эълон қилинди. «Медуза» Россиянинг Киев бўйлаб зарбаси оқибатлари акс этган фотосуратларни эълон қилди.