Тошкентдаги қуш бозорида чўл тошбақаси, типратикан ва саъва қуши ноқонуний сотилаётгани аниқланган.
Табиат ресурслари вазирлиги Тошкент шаҳар бошқармаси томонидан Олмазор тумани, Қорақамиш даҳасида рейд тадбири ўтказилди.
Тадбир давомида 2 фуқаро томонидан қуш бозорида Ўзбекистон Қизил китобига киритилган 32 бош Ўрта Осиё чўл тошбақаси, 6 бош узун игнали типратикан ва 5 бош саъва қуши ноқонуний сотилаётгани аниқланган. Жониворлар олиб қўйилиб, ҳайвонот боғига топширилган.
Ҳолат юзасидан «Маъмурий жавобгарлик тўғрисидаги кодекс»нинг 90-моддаси билан жарима жазоси қўлланган. Унинг миқдори хабарда келтирилмаган.