Ҳоланд абадий рекордни янгилади, «Атлетико» «Реал»ни қувиб ўтди. Европада кун ўйинлари

Англия: «Манчестер Сити» «Вест Ҳэм»ни йирик ҳисобда енгди ва чемпионлик сари яна бир қадам ташлади

Манчестер Сити — Вест Ҳэм 3:0
Голлар: Аке (50), Ҳоланд (70), Фоден (85). 
Манчестер Сити – Ортега, Уокер, Аке (Аканжи, 77), Диаш, Стоунз, Грилиш, Силва, Родри (Филлипс, 90), Маҳрез, Ҳоланд, Алварес (Фоден, 77).
Вест Ҳэм – Фабианьски, Цоуфал (Жонсон, 62), Огбонна, Керер, Крессуэлл, Эмерсон, Форналс, Пакета, Даунс, Боуэн (Бенраҳма, 79), Антонио (Ингз, 67).
Огоҳлантириш: Даунс (49).

«Манчестер Сити» захирасидаги икки ўйиндан биринчисида «Вест Ҳэм»ни мағлуб этди, аммо Де Брюйне йўқ ўйинда биринчи бўлимда гол ура олмади. Ҳужумларни якунлашда Ҳоландга нимадир етишмади, норвегиялик ҳужумчи жарима майдонига ёриб кирган Родрини тўп билан таъминлаганида эса меҳмонларни дарвоза устуни қутқариб қолди. Аммо «шаҳарликлар» иккинчи бўлимда жарима зарбасидан максимум натижа чиқариб олди, Маҳрезнинг узоқ устун томон йўллаган узатмасини Аке барчадан баланд сакраб дарвоза тўрига жойлади.

Кўп ўтмай Ҳоланд яна бир рекордни янгилади. Қарши ҳужумда Грилишнинг пасига идеал даражада очилган ва тўпни дарвозабон устидан ташлаб қўйган 22 ёшли ҳужумчи Алан Ширер ва Энди Коул бир мавсумда кўп гол уриш бўйича АПЛ илк таъсис этилган ва мавсумдаги ўйинлар сони кўпроқ бўлган йилларда ўрнатган рекордни ҳам ортда қолдирди. Эрлингнинг голлари сони 35 тага етди, унинг жамоаси эса «Арсенал»га имкон қолдирмаяпти ва етакчиликни яна ўзига қайтарди.

«Сити» — бир очкога олдинда, аммо захирада яна бир ўйин борлиги жамоани хотиржам қилади.

Ливерпул — Фулҳэм 1:0
Гол: Салоҳ (39, пеналти).
Ливерпул – Алиссон, Александер-Арнолд, ван Дейк, Конате, Цимикас (Робертсон, 66), Ҳендерсон, Фабиньо, Жонс (Милнер, 84), Салоҳ (Эллиотт, 84), Диас (Гакпо, 66), Нуньес (Жота, 83).
Фулҳэм – Лено, Соареш, Адарабиойо, Диоп, Робинсон, Кэрни (Декордова-Рид, 71), Уилсон (Кебано, 71), Лукич (Рид, 71), Палиня, Виллиан (Жеймс, 80), Винисиус (Соломон, 79).

«Ливерпул» ниҳоят ўйналган ўйинлар сони бўйича тўғридан тўғри рақиблари билан тенглашди ва энди «Тоттенҳэм» ҳамда «Астон Вилла» беш очкога ортда қолдирмоқда. Қизиллар бешинчи ўринни банд қилиб бўлгандек кўринмоқда, лекин Чемпионлар лигаси йўлланмасига эга чиқиш учун мўъжиза талаб этилади. Агар пайшанба куни «МЮ» «Брайтон»ни мағлуб этса, Клопп шогирдлари кейинги мавсумда асосий еврокубокда иштирок этишдан умид узса ҳам бўлади.

Чоршанба кунги ўйинда эса Нунйес томонидан ишланган ва Салоҳ томонидан аниқ ижро этилган пеналти ўйин масаласини ҳал қилди. Мисрлик ҳужумчи «Энфилд»даги сўнгги саккиз ўйинни голсиз тарк этмаган ва бу 2014 йилда Луис Суарес томонидан қайд этилган сериянинг такрорланиши бўлди. Бу ўйиндаги яна бир эътиборли жиҳат — Алиссон бу мавсумда қайтарган зарбалар сони 100 тага етди. Шу билан бирга бу рақам Юрген Клопп жамоаси ўзига хос бўлмаган мавсумни ўтказганини кўрсатади, чунки олдинги мавсумларда АПЛ ўйинларида бразилиялик посбонга бундай юклама тушмасди. Қолаверса, финишга қадар ҳали яна бир қанча ўйин бор.

Испания: буюк «Атлетико»

Атлетико — Кадис 5:1
Голлар: Гризманн (2, 27), Мората (49), Карраско (57, пенальти), Молина (73) — Лосано (72). 
Атлетико – Грбич, Молина (Доэрти, 86), Хименес, Эрмосо, Витцель, Карраско (Корреа, 64), Коке, Де Пауль, Лемар (Регилон, 72), Гризманн, Мората (Барриос, 71).
Кадис – Ледесма, Карселен, Хорхе Мере, Мбайе, Арсамендия, Алехо (де ла Роса, 72), Алекс Фернандес (Хосе Мари, 61), Алькарас, Диарра (Лосано, 46), Бонгонда, Негредо (Рамос, 61).
Огоҳлантиришлар: Диарра (16), Карраско (21), Лемар (36), Алехо (38), Молина (44).

Баҳорда энг барқарор ва сермаҳсул ўйин кўрсатаётган жамоа «Реал»дан иккинчи ўринни тортиб олишга эришди. «Барселона» 1:0 ҳисобидаги ғалабаларни коллекция қилаётган, Карло Анчелотти Чемпионлар лигаси ва Испания Кубоги ўйинларига устуворлик бераётган маҳалда, «Атлетико» ёрқин футбол намойиш этмоқда. Энг қизиғи, «матрасчилар» фақат ўйиндан гол уриб келаётганди, бу турда Феррейра-Карраско томонидан аниқ ижро этилган пеналти — ўтган йил майидан буён биринчиси бўлди.

Диего Симеоне жамоасидаги исталган нуқта ҳозирда жуда яхши ҳолатда. Ҳатто шу вақтгача чемпионатда гол урмаган ҳимоячи Молина қаторасига иккинчи турда рақиблар дарвозаларини ишғол этди. Мората ва Гризманн ҳақида гапириш ортиқча. Француз футболчиси қаторасига учинчи ўйинда камида икки самарали балл ишлаб, қизил-оқлар учун хос бўлмаган серия қайд этди. У «Мальорка» билан ўйинда икки голга узатма берганди, «Валядолид» билан ўйинда ассистлар бўйича ҳет-трик қилди, энди эса «Кадис» дарвозасига дубл расмийлаштирди. «Атлетико» 1948 йилдан буён илк бор қаторасига икки турда бештадан гол урди. Бу Симеоненинг жамоаси эканига шубҳа пайдо қилади.

Италия: «Лацио» «Наполи»га совға қилишни истамади

Ювентус – Лечче 2:1
Голлар: 1:0 – 15 Паредес, 1:1 – 37, пеналти Сисей, 2:1 – 40 Влаҳович.
Ювентус – Шченсни, Де Шилйо (Куадрадо, 33), Бонуччи, Данило, Бремер, Гатти, Локателли, Костич, Ди Мария (Кьеза, 73), Паредес, Фаджоли, Миретти (Погба, 73), Влаҳович.
Лечче – Фалконе, Баскиротто, Романйоли, Умтити, Пеццелла (Чеккарони, 71), Мале (Блен, 60), Юлманд, Гонсалес (Ди Франческо, 60), Банда, Уден, Сисей.

Чоршанба кунги ўйинларнинг биринчи блокида «Ювентус» тўрт тур давом этган муваффақиятсиз сериясига (=1-3) барҳам берди. Яъни, рақибларнинг ўйинларига қадар туринликлар учинчи ўринни ўзида сақлаб қолишини кафолатлади. Барчаси Паредес томонидан ижро этилган ажойиб жарима зарбаси билан бошланди, ушбу аргентиналик футболчи яқинда Массимилиано Аллегри билан зиддиятга борган ва ўзига етарли ўйин амалиёти берилмаётганидан шикоят қилганди.

Аммо айнан шу футболчи «Юве»нинг топ-5 лигаларда тўғридан тўғри стандарт зарбаларидан гол уриш бўйича етакчилик мақомини тасдиқлади. Бу жамоанинг жарима зарбаларидан урилган тўртинчи голи бўлди (уч ижрочи томонидан), «Лечче» пеналтидан урган голга эса Влаҳович жавоб қайтарди. Голсиз серияси 773 дақиқа давом этган сербиялик футболчи жарима майдонида ортига ўгирилиб, дарвозанинг пастки бурчагини аниқ нишонга олди.

Лацио — Сассуоло 2:0
Голлар: Андерсон (14), Башич (90+2). 
Лацио – Проведел, Габаррон, Казале, Марушич (Ҳюсай, 68), Луис Алберто, Весино (Милинкович-Савич, 45), Маркос Антонио (Башич, 73), Ладзари, Фелипе Андерсон, Дзакканьи, Иммобиле (Педро, 68).
Сассуоло – Консилйи, Дзортеа (Толян, 73), Феррари, Руан (Эрлич, 88), Рожерио, Обианг (Торстведт, 82), Фраттези, Матеус Энрике, Берарди, Лорянте (Байрами, 46), Дефрел (Алварес, 72).
Огоҳлантиришлар: Лорянте (27), Алберто (40), Берарди (41), Руан (51), Дзортеа (60), Марушич (62), Толян (82), Ладзари (84).

«Лацио» эса «Наполи» диванда ўтирган ҳолда чемпион бўлишига йўл қўймади, шунинг учун пайшанба кунги ўйинда Лучано Спаллетти «Удинезе» майдонида мағлубиятга учрамаслиги талаб этилади. Римликлар эса Маркос Антонионинг узатмасига ҳимоячилар ортида очилиб, дарвозани ишғол этган Фелипе Андерсоннинг голидан кейин ўйин масаласини амалда ҳал қилишди. Бразилиялик футболчи сўнгги тўрт турда уч гол урган. Қаторасига икки ўйинда «Торино» ва «Интер»га ютқазган жамоа яна ўзига келиб олди ва иккинчи ўринга қайтди.

Верона — Интер 0:6
Голлар: Гайч (31, автогол), Чалхонўғли (36), Жеко (37, 61), Мартинес (55, 90+2).
Интер – Ҳанданович, Думфрис (Дзанотти, 65), де Врей, Д`Амброзио (Белланова, 57), Ачерби, Димарко (Дармиан, 57), Мхитарян (Галярдини, 65), Брозович (Аслани, 78), Чалхонўғли, Жеко, Мартинес. 

Милан — Кремонезе 1:1
Голлар: Мессиас (90+3) — Окереке (77). 
Милан – Менян, Калабрия, Тиав, Калулу, Балло-Туре, Бинносир (Крунич, 46), Диас, Салемакерс (Мессиас, 75), де Кетеларе (Жиру, 63), Вранкс (Тонали, 75), Ориги (Леау, 63).

Монца — Рома 1:1
Голлар: Калдирола (39) — Ал-Шаъровий (24).
Монца – Ди Грегорио, Калдирола (Марлон, 86), Мари, Иццо, Карлос Аугусто, Пессина, Колпани (Биринделли, 46), Ровелла (Мачин, 65), Чурриа, Капрари (Валоти, 66), Мота (Гюткяер, 86).
Рома – Патрисиу, Челик, Манчини, Рожер, Кристанте, Залевски (Спинаццола, 61), Пеллегрини, Бове (Таҳирович, 84), Ал-Шаъровий (Волпато, 69), Солбаккен (Камара, 61), Абраҳам.
Огоҳлантиришлар: Палладино (35), Чурриа (43), Кристанте (53), Пеллегрини (58), Иццо (90), Челик (90+1), Пессина (90+2).
Четлатиш: Челик (90+5).

Ҳафта ўртасидаги ўйинлар арафасида Чемпионлар лигаси йўлланмаси учун даъвогар жамоалардан учтаси бир хил очкога эга эди. Лекин бу жамоаларнинг ўйинлари бошланиши арафасида «Аталанта» «Специя»ни мағлуб этди ва бу жамоалардан бир очкога ўзиб кетди. Аммо бергамоликлар кутилганидек тўртинчи ўриндан тушириб юборилди.

Тўғри, бунга фақат олти дақиқа ичида «Верона» мудофаасини яксон этган «Интер»гина муваффақ бўлди. Мезбонлар ҳужумчиси Гайчда ўз жамоаси жарима майдони ичида форвардлик инстинкти уйғониб кетди ва у ўз жамоаси дарвозаси бурчагини аниқ нишонга олди. Шундан кейин рақибга бош кўтаришга имкон бермаган меҳмонлар ҳисобни йириклаштириб юборишди, Ҳоқон Чалхонўғли ўз услубида узоқ масофадан туриб тўққизликни аниқ нишонга олди, Жеко дарвозабон билан яккама-якка вазиятда аниқ ҳаракат қилди. Иккинчи бўлимда босниялик ҳужумчи яна битта, Лаутаро Мартинес эса иккита гол урди — «Верона» ўз тарихида илк бор ўз майдонидаги ўйинда олтита гол ўтказиб юборди.

«Милан» эса турнир жадвалининг қуйи қисмида бораётган «Кремонезе» билан ўйинда муваффақиятсизликка учради. Эҳтимол, Салемакерснинг тезкор голида VAR кичик офсайд қайд этмаганида, «россонерилар» учун барчаси яхши якунланиши мумкин эди. Аммо гол бекор қилинди, шундан кейин меҳмонлар жарима майдонига қамалиб олишди. Ҳимоя қўрғонини ёриб ўтиш жуда қийин эди, Стефано Пиоли эса ротация амалга ошириб, етакчиларига дам берганди. Уларни барибир майдонга туширишга тўғри келди, аммо Тонали ҳам, Жиру ҳам, ҳужумларни жонлантирган, аммо қулай позициядан хато зарба берган Рафаэл Леау ҳам гол ура олмади. Миланликлар ҳимоясини доғда қолдирган Окереке эса ҳисобни очди.

Мезбонлар фақат қўшимча дақиқаларда мағлубиятдан қутулиб қолишди, Круничнинг мураккаб жарима зарбасидан кейин Жуниор Мессиас тўпни дарвоза тўрига тўғрилаб юборди, «Милан» футболчилари барибир икки очкодан қуруқ қолишди.

Буни «Рома» ҳақида ҳам айтиш мумкин, римликлар «Монца» майдонида кичик устунликни сақлаб қола олишмади. Моуриньо шогирдлари биринчи бўлимда ҳисобни очишган, Абраҳамнинг босими остида дарвозабон позициясини йўқотганида Ал-Шаъровий иккинчи уринишда дарвозани ишғол этганди. Лекин мезбонлар биринчи бўлимнинг ўзида ҳисобни тенглаштирди ва римликлар «Милан» билан бирга қўшимча кўрсаткичлар бўйича «Аталанта»дан ортда қолишмоқда, «Интер» эса икки очколик фарқ билан тўртинчи ўринда жойлашган.

Германия: кутилган финал

Германия Кубоги. Яримфинал
Штутгарт — Айнтрахт 2:3
Голлар: Томаш (19), Мийо (83) — Ндика (51), Камада (55), Коло-Муани (77, пенальти).
Штутгарт – Бредлов, Вагноман, Антон (Мийо, 63), Мавропанос (Загаду, 32), Ито, Соса, Каразор, Эндо (Фюрих, 78), Мвумпа, Гирасси, Томаш (Кулибали, 63).
Айнтрахт – Трапп, Ндика, Тута, Ҳасебе, Ленц, Эбимбе, Гётце (Линдстрем, 78), Роде (Бута, 46), Соу, Камада, Коло-Муани (Борре, 83).
Огоҳлантиришлар: Гётце (4), Соу (5), Гирасси (9), Тиагу Томаш (20), Бредлов (75), Ито (80), Соса (80), Бута (90+2), Ленц (90+4).
Четлатиш: Соса (85).

«Штутгарт» Себастиян Ҳенесс бош мураббийликка тайинлангач, жонлана бошлади ва хавфли ҳудуддан чиқиб олди. Аммо бу еврокубокларга йўлланма олиш учун астойдил ҳаракат қилаётган «Айнтрахт»га қарши туриш учун етарли бўлмади. Германия Кубоги «бургутлар» учун — ягона имкон ва улар бу имконга тиш-тирноғи билан ёпишиб олиб, тўққизинчи бор финалга чиқишди. Бу борада фақат «Бавария»да яхшироқ натижа (23), ўйиндаги ҳал қилувчи голни эса Коло Муани урди. Француз футболчиси кубок ўйинларида олти гол уриб, клуб рекордини такрорлади. Кубок ўйинларида бундай сермаҳсуллик сўнгги бор «Айнтрахт» афсоналари — Бернд Ҳолценбайн (1973/74) ва Бум Кун Ча (1980/81) томонидан қайд этилганди. Аммо Коло Муанида «Лейпциг»га қарши финалда улардан ўзиб кетиш имкони бўлади.

Кун статистикаси

• «Нант» дарвозабони Лафон сўнгги тўрт расмий ўйинда 3 та голга олиб келувчи хатога йўл қўйди.
• «Салернитана» ҳужумчиси Диа А Сериянинг бир мавсумида 15 гол урган 6-африкалик футболчига айланди. У «Фиорентина»га қарши ўйиндаги ҳет-трикдан кейин Это'О, Салоҳ, Осимҳен, Кейта Балде ва Сими каби футболчилар компаниясига қўшилди. Аммо фақат сенегаллик футболчигина бу натижага дебют мавсумидаёқ эришган.
• 9 октябрдан буён рақиблар дарвозасини ишғол эта олмай келаётган «Аталанта» ҳужумчиси Муриэл «Специя»га қарши ўйинда (3:2) Италия чемпионатидаги 100-голини урди.
• «Манчестер Сити» Хосеп Гвардиола даврида барча турнирлар доирасидаги 1000-голини урди.