Тошкент шаҳар ҳокимининг жамоат ва диний ташкилотлар билан алоқалар бўйича ўринбосари лавозимидан озод этилди

Тошкент шаҳар ҳокимининг жамоат ва диний ташкилотлар билан алоқалар бўйича ўринбосари лавозимидан озод этилди. Унинг ўрнига янги ҳоким ўринбосари тайинланди.

Халқ депутатлар Тошкент шаҳар кенгашининг қарорига кўра, пойтахт ҳокимининг жамоат ва диний ташкилотлар билан алоқалар бўйича ўринбосари Алимардон Қаршиев лавозимидан озод этилди.

Абдулвосид Ҳомиджонов Тошкент шаҳар ҳокимининг жамоат ва диний ташкилотлар билан алоқалар бўйича ўринбосари лавозимига тайинланди.

Маълумот учун, Тошкент вилояти ҳокимининг собиқ ўринбосари Алимардон Қаршиев 2019 йил май ойида Тошкент шаҳар ҳокимининг жамоат ва диний ташкилотлар билан алоқалар бўйича ўринбосари этиб тайинланганди.