Соврин жамғармаси 1 млн долларни ташкил қилувчи President Тech Award танлови эълон қилинди

Президентнинг 2022 йил 23 августдаги 357-сонли қарорига асосан соврин жамғармаси 1 млн долларни ташкил этувчи President Теch Award энг яхши стартаплар танлови эълон қилинди. Мазкур танлов IT соҳасидаги ёш стартаперларни қўллаб-қувватлаш мақсадида ташкил қилинган. 

President Теch Award – рақамли технологиялар соҳасидаги энг яхши стартап лойиҳалари учун танлов.

Мусобақа асосий ва махсус йўналишлардан иборат. Асосий йўналиш тоифаларига қуйидагилар киради:

• сунъий интеллектга асосланган технологиялар;
• ижтимоий соҳадаги рақамли технологиялар;
• ахборот ва киберхавфсизлик соҳасидаги технологиялар;
• тадбиркорлик ва молиявий технологиялар;
• компьютер ва мобиль ўйинлар.

Танловнинг ҳар бир тоифаси учун соврин жамғармаси қуйидагича тақсимланади: 

1-ўрин — $100 000;  

2-ўрин — $50 000;  

3-ўрин — $30 000.

Махсус йўналиш эса Ҳакатон Гран-приси бўлиб, бу 72 соат ичида рақамли ечим яратишни кўзда тутади. Ҳакатонда ғолиб бўлган жамоа $100 000 миқдоридаги пул мукофотига эга чиқади.

Иштирок этиш учун аризалар танловнинг шаффофлиги ва очиқлигини таъминлаш мақсадида awards.gov.uz махсус портали орқали қабул қилинади.

Портал – бу танлов ҳақидаги барча маълумотлар жойлаштирилган веб-сайт. Бу ерда сиз жамоаларга қўшилишингиз ва йўналишлардан бирида иштирок этишингиз мумкин. Кейинги босқичга ўтиш ёки ўтмаслик ҳақидаги маълумотлар ҳам махсус платформа орқали юборилади. 

Ҳужжатлар 1 июлгача қабул қилинади. 

1 июлдан 25 июлга қадар саралаш босқичи ўтказилади.

Танловда 30 ёшгача бўлган шахслар иштирок этиши мумкин. Асосий йўналишда – фақат Ўзбекистон фуқаролари, махсус йўналишда эса IТ Парк резидент компаниялари ходимлари бўлган чет эл фуқаролари ва фуқаролиги бўлмаган шахслар қатнаша олади.

Сайт: awards.gov.uz

Telegram: t.me/PresidentTechAward

Мурожаат учун: t.me/uztechaward

Реклама