Теҳрон — Пекин йўналишида IRM079 рейсини амалга ошираётган Mahan Air авиакомпаниясининг самолёти Тошкентга фавқулодда учиб келди.
Фото: Uzbekistan Airports
Uzbekistan Airports хабарига кўра, Самолёт 28 май куни маҳаллий вақт билан соат 23:20 да Тошкент аэропортига келиб қўнган.
Қўнишга юрак хуружига учраган йўловчи сабаб бўлган. Йўловчининг соғлиғи ёмонлашгани сабабли экипаж муқобил аэродромга ўтишга қарор қилди.
Аэропортга қўнгач, йўловчи тез ёрдам машинасида олиб кетилган ва малакали тиббий ёрдам кўрсатиш учун тиббий муассасага ётқизилган.
