Тошкент туманида бир-бирига туташ қурилган хонадонларда ёнғин содир бўлди

Фото: Фавқулодда вазиятлар вазирлиги

Тошкент вилоятининг Тошкент туманида бир-бирига туташ қурилган хонадонларда ёнғин содир бўлди. Фавқулодда вазиятлар вазирлиги ҳодиса тўғрисида расмий маълумот берди.

Бугун, 30 май куни соат 13:59 да Тошкент вилояти Тошкент тумани «Абдураҳмонов» МФЙда жойлашган бир-бирига туташ қурилган хонадонларда ёнғин содир бўлганлиги тўғрисида туман ФВБга хабар тушган.

Шунга кўра, 9 та ёнғин-қутқарув экипажи соат 14:24 да воқеа жойига етиб бориб, ёнғин соат 14:47 да ўраб олинган ва соат 15:15 да ўчирилган.

Ёнғин натижасида 3 та хонадоннинг тахминан 450 квадрат метр майдонда том ва ички жиҳозлари ёниб зарарланган.

Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.