Хитой Россияга қарши янги санкциялар туфайли ЕИга босим ўтказяпти - Bloomberg 

Хитой Европа Иттифоқини Хитой компанияларига чекловлар жорий этиш режаларидан воз кечишга кўндиришга ҳаракат қилмоқда, улар ЕИ маълумотларига кўра, Украинада "махсус операция"да фойдаланиш мумкин бўлган ускуналарни Россияга етказиб беради, деб ёзади Bloomberg вазиятдан хабардор манбаларга таяниб.

Хитой дипломатлари бу борада Брюссел ва Пекинда европалик ҳамкасблари билан учрашди, деди агентлик суҳбатдошлари. Бир манбанинг айтишича, Пекин Хитойга экспорт чекловлари жорий этилса, “қасос олиш” билан таҳдид қилган. Суҳбатдошнинг қўшимча қилишича, Хитойнинг жавоби институционал даражада ЕИга қаратилган бўлиши мумкин. Хитой Ташқи ишлар вазирлиги матбуот котиби Ван Вэнбин май ойида ЕИнинг хатти-ҳаракатлари Хитой билан “ўзаро ишонч ва ҳамкорликка жиддий путур етказиши” ва “дунёда бўлиниш ва қарама-қаршиликни чуқурлаштириши” мумкинлигини айтди”, дея эслатади Bloomberg.

Еврокомиссия раҳбари Урсула фон дер Ляйен май ойида ЕИнинг Россияга қарши санкциялари 11-тўплами турли мамлакатларнинг 90 дан ортиқ компанияларини ўз ичига олишини айтди. Улар, ЕИ маълумотларига кўра, Россияга товарлар етказиб бериш орқали аллақачон киритилган чекловларни бузган. Урсула фон дер Ляйен саккизта компания санкциялар остида қолиши ҳақида гапирган, бироқ у бошқа тафсилотларни келтирмаган.