Қозоғистондан Ўзбекистонга гўшт экспорти 134 баробар ошди

«Жорий йилда Шимолий Қозоғистон вилояти тажрибаси асосида йилига 373 минг тонна сут ишлаб чиқариш қувватига эга 65 та сутчилик фермасини ташкил этиш бўйича йирик инвестиция лойиҳаларини амалга ошириш учун республика бюджетидан 100 миллиард тенге ажратилди. Бу мамлакатнинг импортга қарамлигини 39 фоиздан 11 фоизга камайтиради», - деди у. 

Шу билан бирга, давлат томонидан қўллаб-қувватланаётган амалдаги чора-тадбирлар чорвачилик тармоғининг инвестицион жозибадорлигини сақлаб қолиш имконини берди, деб ҳисоблайди вазир. 

«Ўтган йили чорвачиликка йўналтирилган инвестициялар ҳажми 2021 йилга нисбатан 67 фоизга ошиб, 117,5 миллиард тенгега етди. Жами 102 та инвестиция лойиҳаси амалга оширилди. Шу билан бирга, инвестицияларнинг энг катта ҳажми сут-товар фермалари қурилишига тўғри келади. 2022 йилда 52,4 минг тонна сут ишлаб чиқариш қувватига эга 36 та корхона фойдаланишга топширилди. Шунингдек, йилига умумий қуввати 41,9 минг тонна парранда гўшти ишлаб чиқариш қувватига эга паррандачилик корхоналарини қуриш бўйича 7 та инвестиция лойиҳаси ҳам фойдаланишга топширилди», — деди у.