Қўшимча функционаллар
-
Тунги кўриниш
Туркия ЕЧЛ финали Истанбулда ўтказилганидан қанча даромад олгани маълум бўлди
Туркия футбол федерацияси президенти Меҳмет Бюкакши футбол бўйича Чемпионлар лигаси финалини Истанбулда ўтказиш мамлакатга 200 миллион долларга яқин даромад келтирганини айтди.
«Дунёнинг турли бурчакларидан меҳмонлар финалга келди ва мамлакатимиз иқтисодиётига 200 миллион доллар миқдорида ҳисса қўшди», деди Бюкакши T24 нашрига.
10 июнь куни Истанбулда бўлиб ўтган Чемпионлар лигаси финалида Англиянинг «Манчестер Сити» клуби Италиянинг «Интер» жамоасини 1:0 ҳисобида мағлуб этганди.
68-дақиқада «Манчестер Сити» ярим ҳимоячиси Родриго Эрнандес Бернарду Силванинг ҳаракатларидан сўнг ҳисобни очди.
Хосеп Гвардиола шогирдлари ўтган мавсумда учта совринни қўлга киритишди: Премьер-лига, Англия кубоги ва Чемпионлар лигаси.
Аввалроқ, норвегиялик ҳужумчи Эрлинг Ҳааланд «Манчестер Сити» жамоасининг ўтган мавсумдаги энг яхши футболчиси деб тан олинганди.
Ўтган мавсумда Ҳааланд 52 та ўйинда қатнашиб, 52 та гол уришга муваффақ бўлди.
