Индонезия вице-президентининг расмий веб-сайтида «Индонезия ва Ўзбекистон икки давлат ўртасидаги ҳамкорликни мустаҳкамлашга келишиб олди» сарлавҳали мақола эълон қилинди, деб хабар бермоқда «Дунё».
Нашрда Индонезия вице-президенти Маъруф Амин бошчилигидаги делегациянинг ташрифи доирасида Ўзбекистон бош вазири Абдулла Арипов билан учрашуви тафсилотлари қаламга олинган.
Маълум қилинишича, учрашув чоғида томонлар икки томонлама савдо-саноат соҳаларидаги ҳамкорликни мустаҳкамлаш, икки давлат савдо-саноат палаталари ўртасида, шунингдек, туризм ва соғлиқни сақлаш соҳаларида ҳамкорликни кучайтиришга келишиб олган.
12 июнь куни Индонезия вице-президенти Маъруф Амин беш кунлик ташриф билан Ўзбекистонга келди.