Қўшимча функционаллар
-
Тунги кўриниш
Украина электр энергияси импорти зарурлигини маълум қилди
Фото: AP
“Укрэнерго” раҳбари Владимир Кудрицкий Украинада июл ойидан бошлаб электр таъминотида узилишлар юз бериши мумкинлигидан огоҳлантирди. Унинг сўзларига кўра, бунинг олдини олиш учун Киев Европа давлатларидан электр энергиясини импорт қилмоқчи.
Кудрицкийнинг сўзларига кўра, компаниянинг июл ойи ва қиш бошланишидан олдинги базавий прогнози энергия тизимини мувозанатлаш учун импортдан фойдаланиш кераклигини кўрсатади.
Унга кўра, бундан ташқари, газдан фойдаланадиган иссиқлик электр станциялари ва иссиқлик электр марказларида қўшимча қувватларни ишга тушириш зарур. У буни "қимматбаҳо нарса" деб атади ва истеъмолчиларда таъминот ўчирилишидан кўра буни қилиш яхшироқ эканини таъкидлади.
Аввалроқ “Укрэнерго” Украина ГЭСлари Нова Каховкадаги станцияда тўғон вайрон бўлиши оқибатларини камайтириш мақсадида қисқартирилган қувватда ишлаётгани ҳақида хабар берган эди.
6 июнга ўтар кечаси Херсон вилоятида Новая Каховка яқинида Каховка гидроэлектр станциясининг юқори қисми вайрон бўлди. Херсон ва Новая Каховка каби ўнлаб аҳоли пунктлари сув остида қолди.
