Норентабел автобус йўналишларидан кўрилган 7 млрд сўм зарар қоплаб берилди
7 млрд 285,1 млн сўм маблағ ташувчиларнинг ҳисоб рақамига ўтказиб берилди.
2023 йил иккинчи чораги якуни бўйича норентабел автобус йўналишларидан кўрилган 7 млрд 285,1 млн сўм зарар йўловчи ташувчиларга қоплаб берилди. Бу ҳақда Транспорт вазирлиги хабар берди.
Қайд қилинишича, Наманган вилоятида 1728,8 млн сўм, Фарғона вилоятида 1564,1 млн сўм, Андижон вилоятида 1036,4 млн сўм, Тошкент вилоятида 986,4 млн сўм, Хоразм вилоятида 619,2 млн сўм, Навоий вилоятида 510,4 млн сўм, Самарқанд вилоятида 339,8 млн сўм, Жиззах вилоятида 236,5 млн сўм, Қорақалпоғистон Республикасида 138,3 млн сўм, Сурхондарё вилоятида 82,2 млн сўм, Бухоро вилоятида 43,0 млн сўм маблағ қоплаб берилган. Қолган вилоятларда йўловчи ташувчилар томонидан кўрилган зарар миқдори бўйича ҳисоб-китоблар топширилмаган.
Вазирлар Маҳкамасининг «Ҳудудларда жамоат транспорти фаолиятини янада такомиллаштириш чора-тадбирлари тўғрисида»ги 630-сонли қарорига мувофиқ, йўловчи ташувчилар томонидан шаҳар атрофи ёки вилоят ичидаги шаҳарлараро автобус йўналишларида кўрилган зарар миқдори ҳар чорак якуни бўйича субсидия ажратиш йўли билан қоплаб берилади.
Мавзуга оид
23:19 / 01.10.2024
Таиландда 40 га яқин ўқувчи ва ўқитувчиларни олиб кетаётган автобус ёниб кетди. Камида 20 киши ҳалок бўлгани айтилмоқда
18:36 / 26.09.2024
Тошкентда 63 ёшли эркак автобусда вафот этди
15:54 / 25.09.2024
Тошкентда икки автобус ўзаро тўқнашди
19:38 / 18.09.2024