Унга жарима жазоси белгиланди.
Фото: Экология вазирлиги
Ижтимоий тармоқларда Тошкент шаҳри, Юнусобод тумани, «Аҳмад Дониш» маҳалласидаги қурилиш компанияси ишчиси ичимлик сувида машина юваётгани тасвирланган хабар тарқалди.
Ҳолат Экология вазирлиги Тошкент шаҳри бошқармаси томонидан ўрганиб чиқилди ва ишчига нисбатан Маъмурий жавобгарлик тўғрисидаги кодекснинг 72-моддасига (Сув ресурсларини муҳофаза қилиш қоидаларини бузиш) биноан маъмурий баённома расмийлаштирилиб, жарима белгиланди. Хабарда жарима миқдори келтирилмаган.
Шунингдек, бундай ҳолат қайта содир этилмаслиги юзасидан фуқарога давлат инспекторлари томонидан қатъий огоҳлантириш берилди.
