Ўзбекистонга юк автомобиллари асосан Хитойдан импорт қилинмоқда

6 ойда Ўзбекистонга 34 300 та юк автомобиллари импорт қилинган.

Фото: Shutterstock

2023 йилнинг январь-июнь ойларида Ўзбекистонга 18 та хорижий давлатлардан қиймати 143 млн АҚШ долларига тенг бўлган 34 300 та юк автомобиллари импорт қилинган.

Статистика агентлигининг дастлабки маълумотларига кўра, Ўзбекистон 6 ойда юк автомобилларини энг кўп импорт қилган давлатлар орасида Хитой биринчи ўринни эгаллаб турибди — 33 450 та.

Ундан кейинги ўринлардан мос равишда 313 та ҳамда 261 та юк автомобиллари олиб келинган Корея ва Полша жой олди.

Бундан ташқари, Россиядан 180 та, Германиядан 34 та юк автомобили импорти амалга оширилган.

#Хитой #юк