Эроннинг Qeshm Air авиакомпанияси Теҳрондан Тошкентга мунтазам рейсларни йўлга қўйди

Рейслар ҳафтасига бир марта амалга оширилади.

Фото: Uzbekistan Airports

9 август куни Эроннинг Qeshm Air авиакомпанияси самолёти Тошкент халқаро аэропортига қўнди.

Uzbekistan Airports хабарига кўра, Теҳрон - Тошкент йўналишида парвоз қилган Airbus A320 русумли самолёт сув аркаси билан кутиб олинди. Анъанага кўра, илк рейс шундай қарши олинади.

Қайд қилинишича, рейслар ҳафтасига бир марта — чоршанба кунлари амалга оширилиши режалаштирилган.

Qeshm Air — штаб-квартираси Теҳронда жойлашган Эрон авиакомпанияси бўлиб, 1993 йилда ташкил этилган ҳамда маҳаллий ва халқаро йўловчи рейсларини, шунингдек, чартер рейсларини амалга оширади.